fbpx

كورونا ستغير استراتيجية العمل والتسويق بالشركات

كورونا ستغير استراتيجية العمل والتسويق بالشركات 1

بعد اقتراب العالم من مليون ونصف مصاب والاقتراب من مائة الف متوفى من فيروس كورونا الجائحة بحسب احصائيات موقع

worldometers

كورونا ستغير استراتيجية العمل والتسويق بالشركات 2
كورونا ستغير استراتيجية العمل والتسويق بالشركات 3

 

اصبح عدم الاختلاط حتمي لتخفيف تفشي المرض بشكل اكبر وكتير من الدول قامت بعمل حظر تجول زي ايطاليا، اسبانيا، امريكا، السعودية، الاردن ومصر وغيرها من الدول وده ادى لاتجاه الناس للديجيتال بشكل كبير جدا وطبعا اثر بشكل كبير جدا على كل الشركات والاعمال في اللي اتأثر بالسلب وفي اللي اتأثر بالايجاب خلونا نشوف بعض الاحصائيات اللي على ضوءها هتتغير خريطة البيزنس في الفترة ما بعد الازمة.

بعض الاحصائيات الخاصة بالمواقع اللي اقبل عليها الناس اخر 28 يوم بحسب احصائيات موقع

Similarweb

1-    مواقع خاصة باحصائيات الفيروس واللي تخطى عدد الزيارات فيها المليار زيارة في اخر 28 يوم زي ما هو واضح في الرسم البياني

كورونا ستغير استراتيجية العمل والتسويق بالشركات 4

2-    مواقع التسوق ومواقع المطاعم والتوصيل للمنزل

كورونا ستغير استراتيجية العمل والتسويق بالشركات 5

ودي قائمة باهم المنتجات الاسرع نموا في شهر مارس 2020 مقارنة بمارس 2019 وطبعا هنلاقي في المقدمة المنتجات الغذائية والمنتجات الوقائية زي المطهرات والمنظفات بالاضافة لمستلزمات التمارين والجيم لعمل التمارين بالتدريبات بالبيت وبما ان شركات كتير قررت ان الموظفين يشتغلوا من البيت فهنلاقي كتير من المنتجات اللي ممكن يحتاجها الشخص لعمل مكتب بالبيت زي ملحقات الاجهزة اللالكترونية زي الماوس، كيبورد، شاشات، مكاتب وغيره من المنتجات

كورونا ستغير استراتيجية العمل والتسويق بالشركات 6

ودي قائمة تانية اسرع المنتجات هبوطا في الاقبال عليها في شهر مارس 2020 مقارنة بمارس 2019 طبقا لموقع stackline

وهنلاقي ان اسرع المنتجات في الهبوط هي المنتجات اللي ليها علاقة بالسفر والرحلات والتخييم والاثاث المنزلي.

كورونا ستغير استراتيجية العمل والتسويق بالشركات 7

3-    مواقع الافلام والفيديو والمواقع الترفيهية

كورونا ستغير استراتيجية العمل والتسويق بالشركات 8
كورونا ستغير استراتيجية العمل والتسويق بالشركات 9

اما اكتر المواقع والبيزنس اللي اتأثر بالسلب هي شركات الطيران والفنادق والسياحة والسفر نظرا لايقاف اغلب الدول السفر من والى الدولة الا في حالات خاصة جدا

كورونا ستغير استراتيجية العمل والتسويق بالشركات 10

طبعا خارطه الطريق لاي بيزنس لازم هتتغير اثناء وبعد الازمة ما تخلص وبالتالي لازم كل الشركات ورواد الاعمال يبدأوا يفكروا في تغيير خطط البيزنس والتسويق بعد مرور الازمة خاصة الشركات الغير متواجدة اونلاين لاننا زي ما شوفنا بالاحصائيات السابقة والاراقام المعادلة اتغيرت تماما وده هيأثر بشكل كبير على سلوك العملاء في فترة الازمة وما بعدها بشكل مختلف وبالتالي بنصح ان اي شركه لازم تفكر في وجودها اونلاين واللي هيبقى متمثل في الآتي:

–       وجود موقع للشركه متوافق مع سلوك اليوزر واحتياجاته

–       تهيئة الموقع لمحركات البحث

–       التواجد باستمرار في مواقع التواصل الاجتماعي التي يستخدمها عملاءك

–       بناء مجتمع من السوشيال ميديا والتعامل باحترافية مع الازمات

–       بناء سمعة قوية للبراند او الشركه اونلاين

–       كسب ثقة العملاء من خلال محتوى جيد مقدم من خلال الموقع ومواقع التواصل الاجتماعي

–       متابعة المنافسين باستمرار ومعرفة نقاط القوة والضعف

–       الاعلانات مهمة جدا خاصة في البداية لحد ما تكسب ثقة عملاءك

–       التواصل باستمرار مع عملاءك من خلال الايميلات لكن بشكل احترافي بدون اللجوء لشراء قوائم ايميلات

–       العلاقات العامة ونشر البيانات الصحفية من وقت للتاني مهم

–       واخيرا وضع خطة تسويقية تشمل جميع ما سبق بعد دراسه السوق وسلوك العملاء والمنافسين ووضع كافة الاحتمالات الايجابية و السلبية ووضع خطة بديلة لانه وارد ان الاحدث تتغير زي ما حصل حاليا في ازمة الكورونا

 

كلمة اخيرة

لو شركتك غير متواجدة اونلاين فانت خسرت كتير وهتخسر اكتر لو فضلت برة الصورة دي لان اللي كان متوقع انه يحصل في العشر سنين الجاية من سلوكيات العملاء بعد ازمة الكورونا نتوقع انه هيحصل في خلال سنتين بمعنى ان النسبة المتوقعة لنمو بيزنس معين في خلال فترة معينة فبعد ازمة الكورونا الفترة دي بالتأكيد هتقل مثال:

لو شركه منتجات غذائية عملت دراسه على مبيعاتها اونلاين خلال الخمس سنين الجاية فبالتأكيد بعد الازمة هيتضاعف العدد ده لأن سلوكيات العملاء اختلفت وناس كتير بدأت تطلب الاغذية اونلاين وده شيء هيغير خريطة البيزنس كله

من فضلك فكر تاني لو مش موجود اونلاين فوجودك اصبح شيء حتمي ولو وجودك باهت حاليا فاشتغل انك تطور من وجودك وتعززه بشكل كبير الفترة الجاية لأن زي ما قولت سلوك العملاء اتغير تماما وده هيأثر على البيزنس بتاعك الفترة الجاية بالسلب او الايجاب وده راجع لقرارك دلوقتي

دي اخر احصائيات في شهر يناير اللي فات لموقع

we are social

واللي بالتأكيد اتغيرت دلوقتي تماما لكن هتوضح اهمة وجودك اونلاين الفترة الجاية

كورونا ستغير استراتيجية العمل والتسويق بالشركات 11
كورونا ستغير استراتيجية العمل والتسويق بالشركات 12
كورونا ستغير استراتيجية العمل والتسويق بالشركات 13

اعتقد بعد كل الارقام اللي شوفتها دي محتاج تفكر وتاخد قرار بسرعة سواء كنت صاحب عمل او بتشتغل في مجال التسويق

اتمنى ان الازمة دي تنتهي في اقرب وقت والامور ترجع افضل مما كانت، شارك الارقام دي مع اصحاب القرار في شركتك واشتغلوا على وضع او تحديث الخطة التسويقية لما بعد الازمة

بالتوفيق للجميع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

اضغط وتواصل معنا
كيف يمكنني مساعدتك
ِAras Media
مرحبا
كيف يمكنني مساعدتك؟